ده‌بباغ: هه‌فته‌ی‌ ئاینده‌ دیدارێكی‌ زۆر گرنگ له‌نێوان مالیكی‌‌و عه‌لاویدا سازده‌كرێت

25 Jun 2010 - نووسه‌ر: - abdullah بینراو: - 29

عه‌لی‌ ده‌بباغ یه‌كێك له‌ سه‌ركرده‌كانی‌ ده‌وڵه‌تی‌ یاسا، ئه‌مڕۆ هه‌ینی‌، رایگه‌یاند هه‌فته‌ی‌ ئاینده‌ “دیدارێكی‌ زۆر گرنگ” له‌نێوان نوری‌ مالیكی‌ سه‌رۆكی‌ ئیئتیلافی‌ ده‌وڵه‌تی‌ یاسا‌و ئه‌یاد عه‌لاوی‌ سه‌رۆكی‌ ئیئتیلافی‌ عێراقییه‌دا به‌ڕێوه‌ده‌چێت. ده‌بباغ ‌ رايگه‌یاند “هه‌فته‌ی‌ ئاینده‌ دیدارێك له‌نێوان نوری‌ مالیكی‌‌و ئه‌یاد عه‌لاویدا به‌ڕێوه‌ده‌چێت”، رونیشیكرده‌وه‌ كه‌ هه‌ردوولا له‌سه‌ر ئه‌نجامدانی‌ ئه‌و دیداره‌ رێكه‌وتوون كه‌ “دیدارێكی‌ زۆر گرنگه‌ بۆ تاوتوێكردنی‌ خاڵه‌ سه‌ره‌كییه‌كان”.ده‌بباغ هیچ زانیارییه‌كی‌ زیاتری‌ له‌و باره‌یه‌وه‌ ئاشكرا نه‌كرد