ده‌بباغ ناوه‌رۆكی په‌یامی‌ سه‌ردانه‌كه‌ی‌ ڤێڵتمان بۆ عێراق، ئاشكرا ده‌كات

16 Aug 2010 - نووسه‌ر: - abdullah بینراو: - 9

عه‌لی‌ ده‌بباغ وته‌بێژی‌ حكومه‌تی‌ عێراقی و ئه‌ندامی‌ لیستی‌ ئیئتلافی ده‌وڵه‌تی یاسا له‌ لێدوانێكدا ناوه‌رۆكی ئه‌و په‌یامه‌ی‌ ئاشكراكردوه‌ كه‌ جێفری‌ ڤیڵتمانی‌ یاریده‌ده‌ری‌ وه‌زیری‌ ده‌ره‌وه‌ی‌ ئه‌مریكا و شانده‌ یاوه‌ره‌كه‌ی‌ له‌كاتی‌ سه‌ردانیان بۆ عێراق، ئاراسته‌ی‌ كوتله‌ سیاسیه‌كانیان كردوه‌. له‌وباره‌یه‌وه‌ له‌ لێدوانێكیدا بۆ ته‌له‌فزیۆنی‌(ئه‌لحوره‌)، ده‌بباغ رایگه‌یاندوه‌: ناوه‌رۆكی په‌یامه‌كه‌ ته‌ئكیدی‌ له‌سه‌ر خێراكردنی‌ پرۆسه‌ی‌ پێكهێنانی‌ حكومه‌ت له‌ نێوان لیستی‌ ئه‌لعێراقیه‌و لیستی‌ ئیئتلافی ده‌وڵه‌تی یاسا كردوه‌ته‌وه‌ به‌وپێیه‌ی‌ هه‌ردو لیسته‌كه‌ براوه‌ی‌ سه‌ره‌كی‌ هه‌ڵبژاردنه‌كانی‌ عێراقن. ئه‌وه‌شی وتوه‌: هاوكات په‌یامه‌كه‌ی‌ یاریده‌ده‌ری‌ وه‌زیری‌ ده‌ره‌وه‌ی‌ ئه‌مریكا پێداگری‌ كردوه‌ له‌سه‌ر به‌شداریپێكردنی سه‌رجه‌م كوتله‌كانی‌ دیكه‌ی‌ عێراق له‌و حكومه‌ته‌ی‌ له‌ نێوان هه‌ردو لیسته‌كه‌دا پێكده‌هێنرێت.